ព័ត៌មានថ្មី
លោក មុី សុខុម អធិការស្រុកជំុគីរី ប្រឆាំងបទបញ្ជាសម្ដេចក្រឡាហោម ស ខេងបើកឲ្យមានល្បែងសុីសង សង្វៀនមាន់ជល់បៀរអាប៉ោងនិង យូគីគគ្រឹកគគ្រេង! @ លោក ជាម ច័ន្ទសោភ័ណ្ឌត្រូវ តែងតាំងជាអភិបាលខេត្តត្បូងឃ្មុំ ជំនួសលោក លី ឡេង! @ ពិធីប្រកាសផ្ទេរភារកិច្ចតែងតាំង មុខតំណែងថ្មីនៃអយ្យការអមសាលា ដំបូងខេត្តកោះកុងក្រោអធិបតីភាព ឯកឧត្តម អង្គវង្សវឌ្ឍនា រដ្ឋមន្រ្តីក្រសួងយុត្តិធម៌ ! @ លោកជំទាវ មិថុនា ភូថងអភិបាល នៃគណះអភិបា លខេត្តកោះកុង ចុះពិនិត្យ មើលការជួសជុល និងស្ថា បនាផ្លូវលេខ ៩០០អមមាត់សមុទ្រដែលត្រូវចាក់បេតុង កៅស៊ូ(A.C) ស្ថិតក្នុងក្រុងខេមរភូមិន្ទ: ! @ លោក សាន វិជ្ជា សារ៉ាវុធប្រធាន សាខាកាំកុងត្រូលខេត្តបន្ទាយមានជ័យ និងបក្ខពួកបើកភ្លើងខៀវឲ្យឈ្មួញនាំ ចូលសាច់មាន់កោះមាន់ គ្រួច គ្រឿងក្នុង ជ្រូក.គោដែលខូចគុណភាពគ្មាន ការត្រួតពិនិត្យ! @ ថ្ងៃ ៩ វិច្ឆិកា ឆ្នាំ១៩៥៣- ៩ វិច្ឆិកាឆ្នាំ២០១៨គឺជាខួប អនុស្សាវរីយលើកទី៦៥នៃ ទិវាបុណ្យឯករាជ្យជាតិដែល ទទួលបានឯករាជ្យពីអាណា និគមបារាំង! @ ចៅហ្វាយខេត្ត PM គយ មេព្រៃ ប៉ូលីសសេដ្ឋកិច្ចកំពុង ត្រូវថ្នាំមេឈ្មួញឈើឧកញា គង់ក្រឹងដេកលក់អស់! @ សម្ដេចតេជោ ហ៊ុន សែនមាន អនុសាសន៍ឱសថក្លែងក្លាយចរាចរណ៍ តាមទីផ្សារអនឡាញធ្វើប៉ះពាលយ៉ាងធ្ងន់ធ្ងរ! @ សិស្សពូកែទូទាំងរាជធានីជិត៤០០០ នាក់បានទទួលរង្វន់សម្ដេចតេជោនិង សម្ដេចកិត្តិព្រឹទ្ធបណ្ឌិតតាមរយៈ អភិបាលរាជធានីភ្នំពេញ! @ អបអរសាទរ ថ្ងៃបើកបវេសនកាល សម្រាប់ឆ្នាំសិក្សាថ្មី ២០១៨-២០១៩ !
Comments Off

សុស​-​រុង ប៉េអឹម​រង​ស្រុក​ត្រពាំង​ប្រាសាទ​ផឹកស៊ី​ស្រវឹង​បាញ់បោះ​សេរី​ផ្អើល​ទាំង​កណ្តាលរាត្រី​

​ខេត្ត​ឧត្តរមានជ័យ​៖ មេបញ្ជាការរង​ប៉េអឹម ប្រចាំ​ស្រុក​ត្រពាំង​ប្រាសាទ​ម្នាក់​ដែល​ត្រូវបាន​គេ​ស្គាល់ឈ្មោះ សុស​-​រុង ផឹកស៊ី​ស្រវឹង​ធ្លាក់​ភ្នែក បាញ់​លេង​ទាំង​កណ្តាលយប់​ធ្វើអោយ​មាន​ការភ្ញាក់ផ្អើល​ដល់​ប្រជាពលរដ្ឋ​នៅ​ទីនោះ ។ ចំណែក​លោក ពុធ​-​សារ៉ាន់ មេបញ្ជាការម៉េ​អឹម​ខេត្ត​ហាក់​ធ្វើ​មិនដឹងមិនលឺ​ព្រោះ​ត្រូវជា​សាច់ញាតិ​នេះ បើ​តាម​ការ​អោយ​ដឹង​ពី​មន្ត្រី​ប៉េអឹម មួយរូប សូម​មិន​បញ្ចេញ​ឈោះ្ម​ប្រចាំ​ស្រុក​ត្រពាំង​ប្រាសាទ ។​

​យោងតាម​ប្រភព​ព័ត៌មាន​ពី​ស្រុក​ត្រពាំង​ប្រាសាទ​ខេត្ត​ឧត្តរ​មានជ័យ​បាន​រា​យ​ការ​កាលពី​ម្សិល មិញ​ថា នៅ​វេលា​យប់​ម៉ោង​១១ និង​៣០​នាទី ថ្ងៃទី​០៩ ខែកក្កដា ឆ្នាំ​២០១៤ លោក សុស​-​រុង មេបញ្ជាការរង​ប៉េអឹម​ស្រុក​ត្រពាំង​ប្រាសាទ បាន​ជួបជុំ​មិត្តភ័​ក្រនៅ​ស្រុក​អន្លង់វែង​បួន​ប្រាំ​នាក់​ផឹកស៊ី​សប្យាយ​សើច​ក្អាកក្អាយ រហូតដល់​យប់​ជ្រៅ ។​

​ប្រភព​ដដែល​បន្តថា មិនដឹង​ជា​មូលហេតុ​អ្វី​លុះដល់​ម៉ោង​១១ និង​៣០​នាទី ស្រាប់តែ​លោក សុស​-​រុង បាន​បើករថយន្ត​ទៅដល់​រង្វង់​មូល​ស្រុក​ត្រពាំង​ប្រាសាទ ក៏​បាន​ដក​កាំភ្លើង​បាញ់ បណ្តាល​អោយ​ប្រជាពលរដ្ឋ​ដែល​រស់នៅ​ជុំវិញ​ទីនោះ​មាន​ការភ្ញាក់ផ្អើល នឹង​ភ័យខ្លាច​យ៉ាងខ្លាំង ស្មានថា ចោរប្លន់​ប្រដាប់អាវុធ ។​

​ប្រភព​បន្ថែមថា បន្ទាប់​ពី​ការបាញ់​កាំភ្លើង​ខាងលើ គេ​មិនឃើញ​មាន​សមត្ថកិច្ច ឬ​អាជ្ញាធរ​ដែនដី​ណា​    ​អើពើ​ធ្វើ​ដឹង​ធ្វើ​លឺ​នោះទេ ព្រោះថា​លោក សុស​-​រុង ជា​មនុស្ស​កាច​សាហាវព្រៃផ្សៃ​ជាង​ប៉ុលពត ហើយ​មាន​ខ្នងបង្អែក​ជា​នាយ​ប៉េអឹម​ម្នាក់​នៅ​ស្រុក​អន្លង់វែង​ចាំ​ជួយ​ដោះស្រាយ​រាល់​អំពើ​ល្មើស​ច្បាប់​នឹង​កំហុសឆ្គង​ផ្សេងៗ​ទៀតផង​។​

​បើ​តាម​សេចក្តីរាយការណ៍​ពី​សមត្ថកិច្ច​ពីរ​បី​នាក់​នៅ​ស្រុក​អន្លង់វែង​បានអោយដឹងថា បន្ទាប់ពី​លោក​សុស​-​រុង​មាន​រឿងអាស្រូវ​ខាងលើ លោ​ករុង​បាន​ពឹងពាក់​នាយ​ប៉េអឹម​ម្នាក់​នៅ​ស្រុក​អន្លង​វែង​អោយជួយ​បិទ​រឿង​មិន​អោយ​លេចលឺ​ដល់​នាយ​ឧត្តមសេនីយ៍ សៅ​-​សុខា ព្រោះ​ខ្លាច​បាត់បង់​តំណែង​។​នៅ​រសៀល​ថ្ងៃ​ទី​១០​ម្សិលមិញ​អ្នកយកព័ត៌មាន​យើង​បាន​ព្យាយាម​ទូរស័ព្ទ​ជាច្រើន​ដង​សុំ​ការបំភ្លឺ​ពី​លោក សុស​-​រុង តែ​ទូរស័ព្ទ​រោទ៍​គ្មាន​អ្នកទទួល​។​

​អ្នកយកព័ត៌មាន​យើង​បាន​ទូរស័ព្ទ​ទៅ​លោក ពុធ​-​សារ៉ាន់ មេបញ្ជាការ​ប៉េអឹម​ខេត្ត​ឧត្តរ​មានជ័យ​ដើម្បី​សុំ​ការបំភ្លឺ​ពី​ករណី​លោក សុស​-​រុង ផឹកស៊ី​ស្រវឹង​បាញ់បោះ​សេរី តែ​លោក​លើក​ទូរស័ព្ទ​ហើយ​ឆ្លើយថា ជាប់រវល់​ក៏​បិទ​ទូរស័ព្ទ​បាត់ទៅ​។​

​អ្នកយកព័ត៌មាន​យើង​ក៏​បាន​រាយការណ៍​ករណី​ខាងលើ​តាម​ទូរស័ព្ទ​ទៅ នាយ​ឧត្តមសេនីយ៍ សៅ​-​សុខា ផងដែរ ហើយ​លោក​មានប្រសាសន៍ថា ចាំ​អោយ​គេ​ស៊ើបអង្កេត​ពី​បញ្ហា​ខាងលើ​នេះ​។​

​គួរ​រំលឹក​ផងដែរ​ថា នៅ​ខេត្ត​ឧត្តរមានជ័យ​តែងតែ​មាន​ប៉េអឹម​មួយចំនួន​មិន​គោរព​តួនាទី​របស់​ខ្លួន ដូចជា​កាលពី​ឆ្នាំ​២០១៣​មាន​មេ​ប៉េអឹម​ស្នាក់ការ​សន្តិសុខ អ ២០៦ ឈ្មោះ សូ​-​វិបុល រកស៊ី​ដឹក​ឈើ​ខុសច្បាប់ បាន​នាំ​បក្ខពួក​ជិត​១០​នាក់ ប្រើ​អំពើហឹង្សា​ទៅលើ​ចាងហ្វាង​កាសែត កម្ពុជា​សុវណ្ណ​ភូមិ ដែល​តាម​ថតរូប​រថយន្ត​ដឹក​ឈើ​របស់​ខ្លួន​។ ហើយ​នៅពេល​ថ្មីៗ​នេះ​មាន​សេចក្តី​រាយ​ការ​ថ្មី​មួយ​ទៀត​ថា លោក សូ​-​វិបុល ផឹកស៊ី​ស្រវឹង​បាន​វាយ​ដុំ​ប្រជាពលរដ្ឋ​នៅ​ចំណុច​ភូមិ​តា​សំ ឃុំ​អូ​ស្វាយ ស្រុក​ត្រពាំង​ប្រាសាទ ខេត្ត​ឧត្តរមានជ័យ តែ​បន្ទាប់​ពី​មានរឿង​។​លោក​សូ​-​វិបុល ក៏​បាន​រត់​ការបិទ​រឿងអាស្រូវ​នេះ​មិន​អោយ​ថ្នាក់លើ​ដឹង​។​

​គួរ​រំលឹក​ដែរ​ថា សូ វិបុល ដែល​ធ្លាប់មាន​បញ្ហា​ជាច្រើន​ដង​រួច​មក ហើយ​ដែរ ក៏ប៉ុន្តែ​មិន​ឃើញ​ថ្នាក់លើ​ណា​ដាក់​ទោសទណ្ឌ​លោក សូ វិបុល នៅឡើយ​ទេ ៕

 

suas_rong_1 (1)

Filed in: ព័ត៌មានជាតិ, ព័ត៌មានថ្មី, ព័ត៌មានសំខាន់ៗ, សង្គម

Recent Posts

Bookmark and Promote!