ព័ត៌មានថ្មី
លោក​ឃួង​ស្រេង​អភិបាល​រាជធានី​ភ្នំពេញ​បាន​ដាក់​បទបញ្ជា​ខណ្ឌ​ទាំង​១២​គ្មាន​ល្បែងស៊ីសង​គ្រប់​ប្រភេទ​?! @ PM-​គយ​ដែល​ឈរជើង​ស្នាក់កា​គយ​ច​ល​ត័​ក្រោម​ការគ្រប់គ្រង​របស់​លោក​ព្រាប​គា​រ៉ាត់​(​ពិ​សិទ្ធ​)​នៅ​ចំណុច​ភូមិ​ហ៊ួ​ច ឃុំ​ក្រែក ស្រុក​ពញាក្រែក ខេត្ត​ត្បូងឃ្មុំ ! @ សង្វៀន​ជល់​មាន់​បៀ​អាប៉ោង ដ៍​ធំ​ស្ថិតក្នុង​ភូមិ​ត្រពាំង​លើ​ឃុំ​កណ្ដឹង​ស្រុក​បាទី​ខេត្តតាកែវ​សមត្ថកិច្ច​មិន​ហ៊ាន​បង្ក្រាប​? @ ប្រជា​នេសាទ​ស្រុក​ស្ទោង​និង​ស្រុក​កំពង់ស្វាយ​រិះគន់​លោក​យ៉ាន់​ពិសាក់​(​ហៅ​សែ​)​នាយ​ផ្នែក​រដ្ឋបាល​ជល​ផល​ផាត់​សណ្តាយ​និង​ប៉ែន​វណ្ណរិ​ទ្ធនាយ​ខណ្ឌ​រដ្ឋបាល​ជលផល​ឃុបឃិត​ជាមួយ​ឈ្មួញ​ទុច្ចរិត​ប្រព្រឹត្ត​អំពើ​ពុករលួយ @ មេ​ឈ្មួញ​ឈើ​ក្រញូង​ខ្វៀង​ធី​ម៉ៃជន​ជាតិ​វៀតណាម​ត្រូវបាន​សមត្ថ​កិ​ច​ខេត្ត​ឧត្តរមានជ័យ​ចាប់ឃា​ត់​ខ្លួន​ជា​លើក​ទី​ពីរ​ @ លោក​យឹម​សារ៉ាន់​អធិការ​ខណ្ឌ​ពោធ​សែន​ជយ័​ចុះ​បង្ក្រាប​ក្រុម​ចែកចាយ​គ្រឿងញៀន​និង​ថ្នាំញៀន​29​កញ្ចប់​ @ ​ឈ្មួញ​កំពុង​សម្រុក​ដឹកជញ្ជូន​ឈើ​យកទៅលក់​នៅ​ប្រទេស​វៀតណាម​សមត្ថកិច្ច​ហ៊ាន​បង្ក្រាប​ @ មេ​គយ​-​មេ​កាំកុងត្រូល​-​មេ​អន្ត្រោប្រវេសន៍​បើកដៃ​ឲ្យ​ឈ្មួញ​ដឺ​ក​ទំនិញ​គេច​ពន្ធ​រឹ​បង់ព​ន្ធ​មិន​គ្រប់​តាម​ច្រកទ្វា​ដា​ខេត្ត​ត្បូងឃ្មុំ​ @ ផ្ទះ​កត់​ឆ្នោត​កន្ទុយលេខ​យួន​មួយ​កន្លែង​ស្ថិតក្នុង​ភូមិ​ក្បាលដំរី​2​សង្កាត់​កា​កាប​ខណ្ឌ​ពោធ​សែន​ជយ័​យកឈ្មោះ​លោក​អធិការម​កកាង​.! @ បែកធ្លាយ​រឿងអាស្រូវ​ប្រធាន​រតនា​គា​រាជធានី​ភ្នំពេញ​និង​បក្សពួក​មួយចំនួន​..!
Comments Off

រដ្ឋាភិបាល​គួរ​ក្រលេក​មើល និង​កែទម្រង់​ភាព​អសកម្ម ដែលកំពុង​កើត​មាន ក្នុង​អង្គភាព​ប៉ូលីស​ព្រំដែន​ទឹក

ភ្នំពេញ ៖ ប្រជានេសាទ​បាន​សំដែង ការមិន​ពេញ​ចិត្ត​ចំពោះ​បញ្ហា ទូក​នេសាទ​របស់​ជន​បរទេស មាន​សៀម​​និង​​យួន​ជាដើម ដែល​កំពុង​សម្រុក ចូលមក​ធ្វើ​សកម្មភាព ក្នុង​ដែន​សមុទ្រខ្មែរ យ៉ាង​ប្រសេច​ប្រសាច  គ្មាន​នរណា​​អើពើ​បង្ក្រាប​ទេ ហើយបើ​តាម​ប្រភពខ្សឹប​ខ្សៀវ​មួយ​ចំនួន បានបង្ហើបឲ្យដឹងថា រឿងដែលគ្មានការបង្ក្រាប ទូកនេសាទ​ទាំង​នោះ ក៏ព្រោះតែមន្ត្រីនគរបាលជើងទឹក ក្រោមបញ្ជារបស់លោក តេង សួន បានចេញប្រមូលផលប្រយោជន៍ យកទៅ​ច្រកហោប៉ៅ ធ្វើមានធ្វើបានផ្ទាល់ខ្លួន  មិនដែលខ្វល់ខ្វាយ បង្ក្រាបម្តងណាឡើយ។

ផ្ទៃសមុទ្រខ្មែរនាពេលបច្ចុប្បន្ននេះ មានទូកនេសាទរបស់ ជនជាតិខ្មែរតិចតួចប៉ុណ្ណោះ ដែលចេញធ្វើការនេសាទ ជាលក្ខណៈគ្រួសារ ដោយប្រើប្រាស់ទូកតូចៗ មិនហ៊ានធ្វើដំណើរទៅកណ្តាលលំហសមុទ្រ ដើម្បីចាប់ត្រីនោះទេ  ដោយសារប្រជានេសាទខ្មែរ គ្មានដើមទុនសម្រាប់ប្រកបអាជីវកម្ម នេសាទត្រី ទ្រង់ទ្រាយធំ ជាពិសេសគ្មានលុយ បង់ជូននគរបាលជើងទឹក របស់លោក តេង សួន តែម្តង ។

គួររំលឹកផងដែរថា គ្រប់ទូកនេសាទទាំងអស់ របស់ជនជាតិខ្មែរដែលចេញធ្វើនេសាទ ត្រូវតែបង់លុយ ជូនមន្ត្រី​ជំនាញ​ជលផល ឬសមត្ថកិច្ចចម្រុះ ក្នុងក្របខ័ណ្ឌគណៈកម្មការស្រាល ត្រួតពិនិត្យបទល្មើសលើផ្ទៃសមុទ្រ ដែល​មាន​​លោក តេង សួន ជាអ្នកចាត់ចែងការងារប្រមូលលុយ យកទៅបែងចែកគ្នា ធ្វើមានធ្វើបានផ្ទាល់ខ្លួន។

ក្នុងតួនាទីជាប្រធាននាយកដ្ឋាន នគរបាលព្រំដែនទឹក នៃក្រសួងមហាផ្ទៃ លោក តេង សួន ហាក់ដូចជាធូររលុង មិនបានយកចិត្តទុកដាក់ ពង្រឹងការងារមន្ត្រីក្រោមឱវាទ ឲ្យការពារបូរណភាព ដែនសមុទ្រខ្មែរនោះទេ បែរជាបិទ​ភ្នែកបណ្តែតបណ្តោយ ឲ្យទូកនេសាទរបស់សៀមនិងយួន ចូលមកធ្វើសកម្មភាព យ៉ាងអនាធិបតេយ្យបំផុត ក្នុង​ដែន​សមុទ្រខ្មែរ។  ហើយសម្រាប់ទូកនេសាទ របស់យួន ឬសៀម មួយគ្រឿង ដែលអាចចូល​មកនេសាទ​ក្នុងដែន​សមុទ្រខ្មែរ យ៉ាងអនាធិបតេយ្យ  ត្រូវបង់លុយយ៉ាងតិច ២៥០០ដុល្លារអាមេរិក ក្នុងមួយខែឲ្យអ្នកម៉ៅការ សម្រាប់​យក​ទៅបែងចែក មន្ត្រីជំនាញនិងសមត្ថកិច្ចពាក់ព័ន្ធ ទើបអ្វីៗអាចដំណើរការទៅបានដោយរលូន ។

លោក តេង សួន ក៏បានចាត់តាំងបក្ខពួករបស់គាត់ ឲ្យកាន់តំណែងជា ប្រធានវរៈនគរបាលប្រចាំ ទិសនីមួយៗ តាំង​ពីព្រំដែនទឹកនៃខេត្តកែប រហូតដល់ខេត្តកោះកុង ប៉ុន្តែវត្តមាននៃនគរបាលការពារព្រំដែនទឹក របស់លោក តេង សួន  មិនបានបំពេញ តួនាទីភារកិច្ចរបស់ខ្លួន ឲ្យបានត្រឹមត្រូវនោះទេ គឺបានត្រឹមតែចុះទៅដាក់ប៉ុស្តិ៍ ជជុះ ឬចេញ​នាវាល្បាតដើម្បីប្រមូល លុយពីទូកនេសាទ ដោយខុសច្បាប់មិនដែលខ្វល់ ពីបទបញ្ជា ឬសេចក្តីណែនាំ​របស់ថ្នាក់​លើ ក្នុងការបង្ក្រាប ឬទប់ស្កាត់បទល្មើស លើផ្ទៃសមុទ្រឲ្យមានប្រសិទ្ធភាព ទៅតាមកំណែទម្រង់ស៊ីជម្រៅ ម្តងណា​ឡើយ។ លោក តេង សួន មានសិទ្ធិអំណាចធំណាស់ ក្នុងការប្រមូលលុយពីបទល្មើស នៃការដឹកជញ្ជូន ទំនិញ​គេច​ពន្ធ ឈើខុសច្បាប់នៅលើផ្ទៃសមុទ្រ ជាក់ស្តែងសកម្មភាព កាប់បំផ្លាញព្រៃឈើនៅតាមដែនកោះ ដឹកយកមកលក់​ចែក​ចាយ ក្នុងខេត្តព្រះសីហនុ មិនអាចធ្វើទៅបានទេ ប្រសិនបើគ្មានភ្លើងខៀវ ពីលោក តេង សួន នោះទេ ។

មន្ត្រីតូចតាចជាច្រើនបានលើកឡើងថា ប្រសិនបើមានការ ផ្លាស់ប្តូរតំណែងលោក តេង សួន ទំនងជាអាចកែ​ទម្រង់​ភាពអសកម្ម និងអំពើពុករលួយ ដែលកំពុងកើតមាន យ៉ាងផុសផុល ក្នុងអង្គភាពនគរបាលជើងទឹក ដែលកំពុង​យក​តួនាទី របស់ពួកគេទៅប្រមូលលុយ ពីទូកនេសាទរបស់សៀម និងយួន។ បទល្មើសលើផ្ទៃសមុទ្រ តាំងពីខេត្តកោះ​កុង​រហូតដល់ខេត្តកំពត មានច្រើនគគោក តែលោក តេង សួន មិនដែលយកចិត្តទុកដាក់ ទៅលើការបង្ក្រាប​ទប់​ស្កាត់ ឲ្យស្របទៅតាម សេចក្តីណែនាំរបស់ថ្នាក់លើនោះទេ មិនដឹងជាមានអាថ៌កំបាំងអ្វី ប៉ុន្តែសម្រាប់មន្ត្រីតូចតាច និងក្រុមឈ្មួញរកស៊ីដឹកជញ្ជូន ទំនិញ ឆ្លងកាត់ផ្ទៃសមុទ្រ បានលួចបង្ហើបឲ្យដឹងថា ប្រភពចំណូលពីបទល្មើស នៅ​លើផ្ទៃសមុទ្រខ្មែរ សម្រាប់លោក តេង សួន មានច្រើនសន្ធឹកសន្ធាប់ណាស់ ។

ទាក់ទិននឹងព័ត៌មានខាងលើ អ្នកសារព័ត៌មានយើងមិនអាចសុំការពន្យល់បានទេ ៕

Filed in: ព័ត៌មានជាតិ, ព័ត៌មានថ្មី, សង្គម

Recent Posts

Bookmark and Promote!