ព័ត៌មានថ្មី
បទល្មើសឈើដឹកជញ្ជូនបន្តកើតមាន ជារៀងរាល់ថ្ងៃសង្ស័យថា អាជ្ញាធរសម ត្ថកិច្ចនិងជំនាញពាក់ព័ន្ធបើកភ្លើងខៀវ .! @ អបអរសាទរខួបអនុស្សាវរីយ៍លើក ទី៧៤ថ្ងៃកំណើតនគរបាលជាតិកម្ពុជា នៃក្រសួងមហាផ្ទៃ.! @ ដីកោះដុះខាងក្រោយរមណីយដ្ឋាន ចំប៉ាមាសវត្តចំប៉ាសង្កាត់ក្បាលកោះ ខណ្ឌច្បារអំពៅកំពុងរងនូវការទន្ទ្រាន យកពីអ្នកលុយមានអំណាចរំលោភ យកធ្វើជាកម្មសិទ្ធផ្ទាល់ខ្លួនច្រើនហិកតា.! @ អាជ្ញាធរ~សមត្ថកិច្ចនិង​ជំនាញ​~ពាក់ព័ន្ធ ស្រុក​ស្នួលខេត្តក្រចេះ​ឃុបឃិត​បើកដៃ​ ឲ្យ​ឈ្មួញ​កាប់បំផ្លាញ​ព្រៃឈើដឹក​ចេញ​ តាម​ផ្លូវ​(៩៩៩៩​)ដែលគេស្គាល់ឈ្មោះ លោក ជា​ វណ្ណៈ​មេ (គ៣)ជា​មេ​ឈ្មួញ​ មានឥទ្ធិពលយោធានិងលោក វុធមន្រ្តី យោធដូចគ្នាស្ទាត់ជំនាញរត់ការបង់លុយ ជូនសមត្ថកិច្ច.! @ លោក យូ ហេង ប្រធានសាខាគយ និងរដ្ឋាករខេត្តបាត់ដំបងរងនូវការរិះគន់ ឃុបឃិតបើដៃឲ្យឈ្មួញតូចធំដឹកជញ្ជូន ប្រេងសាំងទំនិញគេចពន្ធទំនិញបង់ពន្ធ មិនគ្រប់ពីប្រទេសថៃ.ចូលមកតាមអំពើចិត្ត.! @ ដីកោះដុះខាងក្រោយរមណីយដ្ឋាន ចំប៉ាមាសវត្តចំប៉ាសង្កាត់ក្បាលកោះ ខណ្ឌច្បារអំពៅកំពុងរងនូវការទន្ទ្រាន យកពីអ្នកលុយមានអំណាចរំលោភ យកធ្វើជាកម្មសិទ្ធផ្ទាល់ខ្លួនច្រើនហិកតា.! @ លោក ជំុ ឈាង អតីត ចៅ សង្កាត់ ព្រែកកំពឹសនិងជាប្រធានគណៈបក្ស ប្រជាជនកម្ពុជានិងលោក ប៉ាច ប៉ន លោកនាយកសាលាបឋមសិក្សាកែវ មុនីដោយទទួលការឧបត្ថម្ភពីលោក ឧត្តមសេនីឯក រ័ត្ន ស៊្រាងនូវគ្រឿង ឧបភោគ បរិក្ខានិងថវិកាផ្ទាល់ខ្លួន មួយចំនួនធំ.! @ សម្តេចតេជោ ហ៊ុន សែន ទទួលគោរ មងារសាស្រ្តាចារ្យកិត្តិយសផ្នែកទំនាក់ ទំនងអន្តរជាតិពីសាកលវិទ្យាល័យ ប៉េកាំងសាធារណរដ្ឋប្រជាមានិតចិន.! @ ព្រះរាជពិធីច្រត់ព្រះនង្គ័លឆ្នាំនេះ ប្រាព្ធនៅខេត្តតាកែវ.! @ លោក ចាន់ យុត្ថាអ្នកនាំពាក្យក្រសួង ធនធានទឹកនិងឧត្តុនិយមជូនដំណឹង ដល់ប្រជាជនទាំងអស់ត្រូវប្រុងប្រយ័ត្ន ឲ្យបានខ្ពស់.!
Comments Off

លោក ម៉ៅ ធនិន្ទចៅហ្វាយខេត្តពោធិ៍ សាត់បើកភ្លើងខៀវឲ្យឧកញ៉ា តាំង អ៊ាង កាប់បំផ្លាញព្រៃអភិរក្សភ្នំសំកុសនិង ព្រៃអភិរក្សជួរភ្នំក្រវាញជិតរលាយមិន ខ្វល់បទបញ្ជាសម្តេចតេជោ ហ៊ុន សែន.!

 

FB_IMG_1536651232228
ខេត្តពោធិ៍សាត់:លោកម៉ៅធនិន្ទចៅហ្វាយខេត្តពោធិ៍សាត់បើកដៃឲ្យ លោកឧកញ្ញាតាំងអ៊ាងមេឧក្រិដ្ឋជនព្រៃឈើកាប់បំផ្លាញព្រៃអភិរក្សភ្នំ សំកុសនិងព្រៃអភិរក្សជួរភ្នំក្រវាញយ៉ាងគគ្រឹកគគ្រេងដែលលោកឧកញ៉ា រូបនេះបានបើកដៃឲ្យមេការរបស់ខ្លួនប្រើមនុស្សរាប់រយនាក់ចូលទៅកាប់ បំផ្លាញយ៉ាងវិនាសកម្ម ដោយជ្រកក្រោមស្លាកក្រុមហ៊ុន MDS របស់ឧកញ៉ាទ្រីភាពនិងបានឃុបឃិតពុករលួយជាមួយសមត្ថកិច្ចពាក់ ព័ន្ធ និងស្ថាប័នពាក់ព័ន្ធមួយចំនួនទៀតផង។
សកម្មភាពកាប់បំផ្លាញព្រៃអភិរក្សពីសំណាក់ក្រុមហ៊ុនMDS យ៉ាងអនាធិបតេយ្យបែបនេះត្រូវបានគេមើលឃើញថាលោកឧកញ៉ា តាំងអ៊ាងទំនងចង់សំពងក្បាលនាយករដ្ឋមន្ត្រីខ្មែរដូចអ្វីដែលលោកធ្លាប់ លើកឡើងនៅក្រៅប្រទេសកាលពីពេលកន្លងមក។
ប្រភពមន្ត្រីនគរបាលតូចតាតបានបង្ហើបឲ្យដឹងថាសកម្មភាពកាប់ឈើ នៅក្នងតំបន់អភិរក្សដូចរៀបរាប់ខាងលើហាក់មានទ្រង់ទ្រាយធំជាងឆ្នាំ មុនៗទៅទៀតក្នុងរយៈពេលជាងប៉ុន្មានខែមកនេះដោយឃើញមានអ្នក អាឈើរាប់រយនាក់និងគ្រឿងចក្ររថយន្តប្រកុងរថយន្តច្នៃជិត១០០ គ្រឿងហើយឧកញ៉ាតាំអ៊ាងបានប្រើមេការបស់ខ្លួនពីរនាក់ឈរចាំប្រមូល ទិញឈើនៅដេប៉ូធំៗចំនួនពីរទីតាំងខុសគ្នាក្នុងក្រុមហ៊ុនMDS។
សេចក្តីរាយការណ៍បន្តថាមេការធំមា្នក់ឈ្មោះលីមជាកូនប្រុសបង្កើតឧក ញ៉ាលាងចាន់មុនីដែលល្បីឈ្មោះខាងកាប់បំផ្លាញព្រៃឈើនិងជាមនុស្ស ជំនិតរបស់ឧកញ៉ាទ្រីភាពបានយកទីតាំងកែច្នៃឈើយ៉ាងធំទល់មុខក្រុម ហ៊ុនMDSដំណាក់សុក្រំ ស្ថិតក្នុងឃុំសំរោង ស្រុកក្រវាញ ។ឯមេការធំម្នាក់ទៀតឈ្មោះង៉ូវទីត្រូវជាប្អូនប្រុសរបស់ឧកញ៉ាតាំអ៊ាងបាន បើកដេប៉ូយ៉ាងធំសម្បើមចាំទិញឈើខុសច្បាប់ក្នុងបរិវណក្រុមហ៊ុនMDS ស្ថិតនៅឃុំអន្លង់រាបស្រុកវាលវែងសម្រាប់ប្រមូលទិញឈើខុសច្បាប់និង ស្ទួចដាក់រថយន្តវេអង ដឹកចេញទៅកាន់ក្រុងភ្នំពេញ ។
ប្រភពខាងលើបន្ថែមថាមេការធំៗទាំងពីរនាក់ខាងលើចែកតំបន់គ្នាដើម្បី ប្រមូលទិញឈើខុសច្បាប់ដោយលោកលីមមានសិទ្ធិចាំទិញឈើខុសច្បាប់ ដែលគេកាប់ចេញពីតំបន់អភិរក្សជួរភ្នំក្រវាញចាប់ពីតំបន់ខ្សាច់ពូកច្រកដា ច្រកអំពិល ច្រករវៀង និងច្រកអូរលាក់មាស។ រីឯលោកង៉ូវទីទទួលទិញឈើដែលគេកាប់ពីតំបន់អភិរក្សភ្នំសំកុសចាប់ពី ច្រកអូរលាក់មាសច្រកពងពង់ច្រកចិនយំច្រកស្ទឹងតាតាំងច្រកក្រពើពីរ ច្រកភ្នំទំព័រ និងតំបន់ភ្នំ ១៥០០។ ឈើគ្រប់ប្រភេទត្រូវបានគេប្រមូលទិញដូចជាប្រភេទឈើប្រណីតប្រភេទ ឈើរាជថ្កុលធ្នង់នាងនួននិងឈើអាប្រភេទលេខ២សម្រាប់ប្រើប្រាស់ក្នុងស្រុក។
ប្រភពពីពលរដ្ឋក្នុងឃុំសំរោងបានឲ្យដឹងថាដោយសារតែអំណាចទឹកប្រាក់ របស់ឧកញ៉ាតាំងអ៊ាងមិនតិចជាង៤សែនដុល្លារក្នុងមួយខែយកទៅញ៉ុកមាត់ បិទត្រចៀកបិទភ្នែកមន្ត្រីខ្មែរមួយចំនួនដែលល្មោភប្រាក់ដ៍កខ្វក់លោភលន់ ចាប់តាំងពីថ្នាក់ខេត្តក្រសួងពាក់ព័ន្ធនិងគណៈកម្មការជាតិទប់ស្កាត់និងបង្ក្រាប បទល្មើសព្រៃឈើផងនោះបានធ្វើឲ្យមេឈ្មួញតាំងអ៊ាងមានអំណាចធ្វើព្យុះ ធ្វើភ្លៀងតាមទំនើងចិត្តហ៊ានដល់ប្រើប្រាស់កម្លាំងប្រដាប់អាវុធដេីរចាប់ឈើ ពីប្រជាពលរដ្ឋក្នុងតំបន់ដែលរកសុីដឹកជញ្ជូនឈើលក្ខណៈគ្រួសារតាមម៉ូតូ រទេះគោ.ក្របីដែលមិនព្រមលក់ឲ្យក្រុមហ៊ុនក្នុងតម្លៃទាបជាងទីផ្សារ។ជាក់ស្តែងចាប់ពីថ្ងៃទី១០ខែធ្នូនេះបានផ្ទុះការតវ៉ាពីសំណាក់ប្រជាពលរដ្ឋ ចំនួនពីរលើកជាមួយសមត្ថកិច្ចជំនាញដោយក្រុមពលរដ្ឋចោទថាជាមន្ត្រី កញ្ជះសុីឈ្នួលដាច់ថ្លៃឲ្យក្រុមហ៊ុនMDរបស់ឧកញ៉ាតាំងអ៊ាង។
បើតាមមេការដឹកឈើចេញពីព្រៃយកមកលក់ឲ្យក្រុមហ៊ុនម្នាក់បានលួច ខ្សិបប្រាប់ឲ្យដឹងថា ដើម្បីបានជ្រកក្រោមស្លាកក្រុមហ៊ុនMDS ឧកញ៉ាតាំងអ៊ាងបានចំណាយលុយប្រមាណ៣៥០ដុល្លារក្នុង១ម៉ែត្រគូប បង់ឲ្យឧកញ៉ាទ្រីភាពដោយមានប្រធានតំបន់របស់ក្រុមហ៊ុនម្នាក់ឈ្មោះ ឃៀងសុជីវ័ន្តហៅពៅចាំសម្របសម្រួលឯកសារច្បាប់ដឹងជញ្ជូន។ហើយប្រភេទឈើប្រណិតមួយចំនួនត្រូវបានគេដឹកជញ្ជូនយកមកទុក នៅក្នុងក្រុមហ៊ុនទីភាពគ្រុបត្មាតពងនិងមួយចំនួនទៀតដឹកយកទៅស្តុក ក្នុងឃ្លាំងឈើមួយកន្លែងទៀតនៅក្រោយទីតាំរោងចក្រកាត់ដេរ៦ជាន់ ផ្លូវវេងស្រេង មុននាំចេញទៅលក់នៅប្រទេសយួន។
កន្លងមកនាយករដ្ជមន្រ្តីខ្មែរលោកហ៊ុនសែនធ្លាប់លើកឡើងថាក្រុមឧក្រិ ដ្ឋជនដែលលួចកាប់បំផ្លាញព្រៃឈើដូចកាប់ក្បាលរបស់លោកអញ្ជឹង។ត្រង់ចំណុចនេះត្រូវបានគេមើលឃើញថាឧកញ៉ាទ្រីភាពឧកញ៉ាតាំង អ៊ាងនិងលោកម៉ៅធនិន្ទកំពុងសហការគ្នាប្រមាទលើអំណាចនាយករដ្ឋ មន្រ្តីខ្មែរយ៉ាងច្បាស់ក្រឡែត។
ទាក់ទងនឹងជំនួញឈើខុសច្បាប់ទ្រង់ទ្រាយធំដោយជ្រកក្រោមស្លាក ក្រុមហ៊ុនMDSនេះគេហទំព័រwww.ckrnews.comយើងមិនអាចសុំការពន្យល់បកស្រាយពីអស់លោកឧកញ៉ានិងអាជ្ញាធរ សមត្ថកិច្ចជំនាញពាក់ព័ន្ធបាននោះទេ៕

taingeang2

taingeang3

taingeang1

Filed in: សង្គម

Recent Posts

Bookmark and Promote!