ព័ត៌មានថ្មី
រដ្ឋបាលសាលាខេត្តកែប​កោះប្រជំុណែ នាំគ្រប់មន្ទីរជុំវិញខេត្តចូលរួមធ្វើអនាម័យ កែលំអរសោភ័ណ្ឌភាពដើម្បីត្រៀមទទួល ភ្លៀវទេសចរណ៍មកកំសាន្ត​ក្នុងឱកាស បុណ្យភ្ជំបិណ្ឌនាពេលខាងមុខនេះ.! @ បែកធ្លាយ ប្រធាន សាខាគយ និងរដ្ឋាករ និង ប្រធានការិយាល័យគយច្រកទ្វារអន្តរ ជាតិបាវិតរងនូវការរិះគន់បើកដៃអោយ ក្រុមឈ្មួញតូច.ធំ. ដឹកជញ្ជូនទំនិញគេច ពន្ធនិងទំនិញបង់ពន្ធមិនគ្រប់តាមរបៀប ពុករលួយ.! @ លោក ខៀវ សារឿន ប្រធាន សាខាគយ និងរដ្ឋាករ និង លោក នង សុខុម ប្រធាន ការិយាល័យច្រកទ្វារអន្តរជាតិបាវិតរងនូវ ការរិះគន់បើកដៃអោយក្រុមឈ្មួញតូច.ធំ. ដឹកជញ្ជូនទំនិញគេចពន្ធទំនិញបង់ពន្ធមិន និងក្លែងប្រភេទទំនិញតាមរបៀបពុករលួយ.! @ ស្រុក​ចំនួន​២ក្នុងចំណោមស្រុក ក្រុង ទាំង៦នៃខេត្តក្រចេះរងផលប៉ះពាល់ ដែលបាក់ច្រាំងទន្លេ.! @ លោក ជាវ តា​យ អភិបាលនៃគណៈ អភិបាលខេត្តកំពតដឹកនាំ​កិច្ចប្រជុំ​ គណៈកម្មការ​រៀបចំ​បុណ្យ​សមុទ្រ​ឆ្នាំ​ ២០១៩ ត្រៀមរៀបចំធ្វើម្ចាស់ផ្ទះ.! @ កម្លាំង​ អធិការ នគរបាលស្រុកកំពង់ត្រាច សហការជាមួយការរិយាល័យគ្រឿងញៀន​ ខេត្ត​ចាប់ជនសង្ស័យ៧នាក់និងវត្ថុតាំងថ្នាំ ញៀនមួយចំនួនធំ.! @ លោក លាង រឿន​​សុធី អភិបាលនៃ អភិបាលក្រុង​កំពត រៀបចំ​ពិធី​ចែក ​អំណោយ​ដល់​សិស្សានុសិស្សលោក គ្រូ​អ្នកគ្រូនិង​គ្រួសារ​ក្រីក្រ​​.! @ ពិធីតែងតាំង លោក ទូ សាវុទ្ធ អតីត អភិបាលនៃអភិបាលស្រុកបូទុមសាគរចូល កាន់តំណែងអភិបាលរងនៃគណៈអភិបាល ខេត្តកោះកុង.! @ អាជ្ញាធរ~សមត្ថកិច្ចនិងអាវុធហត្ថខណ្ឌ មានជ័យអសមត្ថភាពក្នុងការបង្រ្កាបអីុន ធឺណេតយីហោ e888 កុំព្យូទ័របង្កប់ ល្បែងសុីសងភ្នាល់គ្រប់ប្រភេទ.! @ សម្តេច​តេជោ ហ៊ុន សែន បញ្ជា​មិន​ អនុញ្ញាតកម្លាំង​ប្រដាប់អាវុធមាន​ងារ​ ជា «​ឧកញ៉ា​» ទៀតឡើយ​​.!
Comments Off

ឯកឧត្តម នាយឧត្តសេនីយ៍ នេត​ សាវឿនអគ្គ ស្នងការន​គរបាល ជាតិគួរមានវិធាន ការ​ចំពោះ លោក ហែម ​សុមុនី( ហៅម៉ៅ)ដែល យកតួរនាទីសមត្ថកិច្ច ទៅកាងឈ្មួញនិ​ង​ដឹក ជញ្ជូន​​ឈើខុសច្បាប់​!

 

maxresdefault-1ប្រភពពីមន្ត្រីនគរបាលក្នុងស្នងការដ្ឋាននគរបាលខេត្តស្ទឹងត្រែង បានឲ្យដឹងថាអភិបាលខេត្តស្ទឹងត្រែងលោកម៉ុមសារឿនក៏ដូចជា​ស្នងការនគរបាលខេត្តស្ទឹងត្រែងលោកម៉ៅតារាមិនហ៊ានប៉ះពាល់​លោក ហែម សុ​មុនី (ហៅ​ម៉ៅ )ដែលបាន​កំពុង ​ធ្វើ​សកម្មភាព​ដឹកជញ្ជូនឈើចេញពីខេត្តស្ទឹងត្រែងនិងកាងក្រុមឈ្មួញយ៉ាងគឃ្លើន​នោះ។ ប្រភព​ដែល​ស្និទ្ធ​នឹង​លោក ហែម សុ​មុនី (ហៅ​ម៉ៅ) បានបង្ហើបឲ្យដឹងថាការដែលលោកម៉ៅអាចធ្វើអ្វីៗតាមអំពើចិត្តគឺ​លោកម៉ៅចេះបែងចែកផលប្រយោជន៍ទៅឲ្យមន្ត្រីធំៗក្នុងខេត្តស្ទឹង ត្រែង ទើប​គ្មាន​នរណា​ហ៊ាន​ប៉ះពាល់​។ប្រភពដដែលបានឲ្យដឹងថាលោកម៉ៅមានតួនាទីជាសមត្ថកិច្ចបង្ក្រាប​បទល្មើសសេដ្ឋកិច្ចដូចជាបង្ក្រាបក្រុមឈ្មួញដឹកជញ្ជូនទំនិញខុស ច្បាប់និងដឹកជញ្ជូនឈើខុសច្បាប់ដែលច្បាប់ហាមខាត់ប៉ុន្តែឥឡូវនេះ​លោក ហែម សុ​មុនី( ហៅ​ម៉ៅ) បែរជា​យកតួនាទី​និងអំណាច សមត្ថកិច្ចដឹកជញ្ជូន​ឈើ​ខុសច្បាប់​យ៉ាង​ពេញបន្ទុក​តែម្តង​។ មិនតែប៉ុណ្ណោះលោកហែមសុមុនីហៅម៉ៅគឺជាអ្នកចេញមុខកាងក្រុម​ឈ្មួញខ្មែរនិងឈ្មួញយួនច្រើននាក់ដែលកំពុងប្រមូលទិញឈើនិង​ដឹកជញ្ជូនឈើចេញពីខេត្តស្ទឹងត្រែងយ៉ាងរលូនគ្មានអ្នកណាហ៊ាន បង្រ្កាបនោះឡើយម្យ៉ាងទៀតគាត់ចេះចែកលាភសក្ការះថ្នាក់លើទាំងអស់នោះ។
ប្រភពពីមន្ត្រីរាជការនិងសមត្ថកិច្ចពាក់ព័ន្ធក្នុងខេត្តស្ទឹងត្រែងបាន​បង្ហើបឲ្យ​ដឹងថា មកដល់ពេលនេះ​លោក ហែម សុ​មុនី (ហៅ​ម៉ៅ)ជានគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃដែល​ឈរជើងក្នុងខេត្តស្ទឹងត្រែងនៅតែប្រើអំណាចនិងតួនាទីដើម្បីកាង​ក្រុម​ឈ្មួញ​ដឹកជញ្ជូន​ឈើ​យ៉ាង​គឃ្លើន​ដដែល​។ ហេតុនេះហើយទើបមានការសំណូមពរឲ្យនាយឧត្តមសេនីយ៍នេត សាវឿនអគ្គស្នងការនគរបាលជាតិចាត់វិធានការទប់ស្កាត់សកម្មភាព​របស់លោកហែមសុមុនីដើម្បីកុំឲ្យមន្ត្រីនគរបាលរូបនោះធ្វើអ្វីៗស្រេច​តែ​អំពើ​ចិត្ត​តទៅទៀត​។ ប្រភពខ្លះបានឲ្យដឹងថាលោកហែមសុមុនី (ហៅ​ម៉ៅ) មិន​ត្រឹម  តែជាអ្នកកាងក្រុមឈ្មួញនោះទេថែមដឹកជញ្ជូនឈើចេញពីខេត្តស្ទឹង ត្រែងយ៉ាងក្រអឺតក្រទមប៉ុណ្ណោះទេតែគេថែមទាំងធ្វើសកម្មភាព​ដឹកជញ្ជូនឈើខុសច្បាប់ព្រោះអាងមានខ្នងបង្អែករឹងមាំម្នាក់នៅក្នុង​ក្រសួងមហាផ្ទៃ​។
ប្រភពពីមន្ត្រីអាជ្ញាធរមូលដ្ឋាននិងប្រជាពលរដ្ឋក្នុងស្រុកសៀមប៉ាង ខេត្តស្ទឹងត្រែងបានឲ្យដឹងថាមួយរយៈចុងក្រោយនេះលោកហែមសុ​មុនី (ហៅ​ម៉ៅ) ដែលមាន​តួនាទីក្នុងការបង្ក្រាបបទល្មើស សេដ្ឋកិច្ចបែរជាធ្វើទៅសកម្មភាពដឹកជញ្ជូនឈើពីស្រុកសៀមប៉ាង មកស្តុកទុកក្នុងចម្ការដូងប្រេងក្បែរស្ពានស្រែពកក្រុងស្ទឹងសែនសម្រាប់​ដឹកជញ្ជូនបន្តទៅស្រុកយួនដោយគ្មានមន្ត្រីជំនាញឬសមត្ថកិច្ចណា​ហ៊ាន​ប៉ះពាល់​ឡើយ​។ ប្រភពពីមន្ត្រីនគរបាលក្នុងស្នងការដ្ឋាននគរបាលខេត្តស្ទឹងត្រែងមួយ ចំនួនបានឲ្យដឹងថាកាលពីរំលងអធ្រាត្រថ្ងៃទី២២ខែមិថុនាកន្លងទៅ​ថ្មីៗ​នេះ​មាន​ក្បួន​រថយន្ត​របស់លោក ហែម សុ​មុនី (ហៅ​ម៉ៅ ) ជិត៣០គ្រឿងរួមមានរថយន្តម៉ាកតាកូម៉ារថយន្តសាំយ៉ុងរថយន្តហាយ​ឡេនឌ័រនិងរថយន្តកាមរីបានធ្វើសកម្មភាពដឹកជញ្ជូនឈើចេញពីខេត្តស្ទឹង ត្រែង យ៉ាង​គគ្រឹកគគ្រេង​។ ប្រភពបានឲ្យដឹងទៀតថាប្រមាណ១សប្ដាហ៍កន្លងទៅនេះលោកហែម សុមុនី(ហៅម៉ៅ)ធ្វើសកម្មភាពដឹកជញ្ជូនឈើកាន់តែច្រើន ឡើងៗហើយគ្មានមន្ត្រីជំនាញឬសមត្ថកិច្ចពាក់ព័ន្ធណាហ៊ានប៉ះពាល់​លោក​ម៉ៅ នោះទេ​។
ពាក់ពន្ធនិងការចោទប្រកាន់ខាងលើអ្នកសារព័ត៌មានយើងមិនអាចសុំ ការពន្យល់បកស្រាយពីលោកហែមសុមុនី(ហៅម៉ៅ)ដែលជា ប៉ូលីសបង្រ្កាបបទល្មើសសេដ្ឋកិច្ចក្រសួងមហាផ្ទៃបាននោះទេ៕

36275343_477337812687184_2724298309903581184_n

36187879_477337916020507_767437460962541568_n

Filed in: សង្គម

Recent Posts

Bookmark and Promote!