ព័ត៌មានថ្មី
លោកបណ្ឌិត ហ៊ុន ម៉ា​ណែ​ត អញ្ជើញ ​ពិធី​បញ្ចុះ​ខណ្ឌ សីមា និងសម្ពោធ​សមិ ទ្ធផល​នៅ​វត្ត​ពោធិ៍​រាជ​លំ​ពូស្ថិតក្នុង​ស្រុក​ កំពង់ត្រាច​​ខេត្តកំពត.! @ ឯកឧត្តម គួច ចំរើនអភិបាលនៃគណៈ អភិបាលខេត្តព្រះសីហនុបើកកិច្ចប្រជុំ បង្ហាញប្លង់តូបគំរូថ្មីដល់អាជីវករលក់ដូរ នៅឆ្នេរអូរឈើទាល.! @ ពិធី​ប្រកាស​ចូល​កាន់តំ​ណែង​ប្រធាន​មន្ទីរ ​កិច្ចការនារី​ខេត្ត​ក្រចេះ​ អញ្ជើញជាអធិបតីភាព លោកជំទាវ វេជ្ជបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី.! @ អគារសិក្សា០១ខ្នងតម្លៃជាង១៥ម៉ឺនដុល្លា ជាអំណោយដ៍ថ្លៃថ្លា សម្តេចក្រឡាហោម ស ខេង ត្រូវបានធ្វើពិធីក្រុងពាលីសាងសង់ ផ្លូវការក្រោមអធិបតីភាពនាយឧត្តមសេនីយ៍ សន្តិបណ្ឌិត សុខ ផល រដ្ឋលេខាធិការក្រសួង មហាផ្ទៃ.! @ គណកម្មាធិការជាតិគ្រោះ មហន្តរាយ ជម្លៀសប្រជាពលរដ្ឋជាង៥០០គ្រួសារ ទៅកាន់ទីទួលសុវត្ថិភាពដែលត្រូវទឹក ជំនន់កំពុងគំរាមគំហែង.! @ លោក​បណ្ឌិត​ ប៉ែន ស៊ីម៉ន និងលោក ជាវ តាយអភិបាលនៃគណៈអភិបាលខេត្តកំពត ជួបសំ​ណេះ​សំណាល​ជាមួយ​សិស្ស​ត្រៀមប្រឡង ​(​បាក់​ឌុប​)​ឆ្នាំ​២០១៩​និង​គ្រូ​បង្រៀន​មក​ពី​វិទ្យាល័យ​ ទូទាំង​ខេត្ត​កំពត​​.! @ ព័ត៌មានលម្អិតក្រោយពីពន្លត់៖អគ្គិភ័យឆេះ ឃ្លាំងស្តុកសម្ភារខាងក្រោមផ្សារទំនើប The Olympia Mall ផ្ដើមចេញពីជាង ផ្សាដែកហើយខ្ទាតកម្ទេចភ្លើងចំស្នោរ.! @ ព័ត៌មានលម្អិតជុំវិញករណីគ្រោះថ្នាក់ចរា ចរណ៍នៅព្រឹកមិញនេះរវាងរថយន្តដឹក កម្មករនិងរថយន្តដឹកមាន់ខេត្តស្វាយរៀង.! @ លោកបណ្ឌិត គុណ ញឹមអគ្គនាយកនៃ អគ្គនាយកដ្ឋានគយនិងរដ្ឋាករកម្ពុជាមិន គួរមើលរំលង លោក យូ ហេង ប្រធាន សាខាគយនិងរដ្ឋាករខេត្តបាត់ដំបងអនុ ញ្ញាតអោយរថយន្តកាកសំណល់ពីវៀត ណាមឆ្លងដែនទៅប្រទេសថៃក្នុង១ថ្ងៃមិន ក្រោមពី៥០ គ្រឿងនោះឡើយ.! @ ល្បែងឆ្នោត​យួនរីកដូចផ្សិតបើកបង្អួត លោក ឃួង ស្រេងអភិបាលនៃគណៈ អភិបាលរាជធានីភ្នំពេញ.!
Comments Off

​កែម សុខ​ពិសី ច្រានចោល​ព័ត៌មាន ស្នេហា​លាក់កំបាំង​

រាជធានី​ភ្នំពេញ​៖ ជា​តារា​សម្តែង និង​បង្ហាញ​ម៉ូដ កញ្ញា កែម សុខ​ពិសី វ័យ​២៤​ឆ្នាំ​ ​នា​ពេល​កន្លងមក​ថ្មីៗ​នេះ  ត្រូវបាន​គេ​សង្ស័យថា មាន​ទំនាក់ទំនង​ស្នេហា​ជាមួយ​បុរស​ម្នាក់​ដោយ​លាក់កំបាំង​។ ប៉ុន្តែ​នាង​បាន​ច្រានចោល​ព័ត៌មាន​នេះ​ទាំងស្រុង​ថា មិនមែន​ជា​ការពិត​នោះ​ទេ​។ លើសពីនេះ នាង​អះអាង​ថា បេះដូង​នៅ​ទំនេរ​ស្អាត គ្មាន​ជាប់​ពាក់ព័ន្ធ​នឹង​បុរស​ណា​ម្នាក់​ឡើយ​។​

​គ្រូបង្ហាត់​ផ្នែក​ដើរ​ម៉ូដ កញ្ញា កែម សុខ​ពិសី ថ្វី​បើ​ធ្លាប់បាន​អះអាងថា នា​ពេលកន្លងមក នាង​មិន​ដែល​មាន​ស្នេហា​ជាមួយ​បុរស​ណា​ម្នាក់​ក្តី ប៉ុន្តែ​ត្រូវបាន​គេ​សង្ស័យថា ថ្មីៗ​នេះ នាង​មាន​ទំនាក់ទំនង​ស្នេហា​ជាមួយ​បុរស​ម្នាក់ ប៉ុន្តែ​មិន​មាន​សកម្មភាព​បើកចំហ​តែ​ពីរ​នាក់​នោះ​ទេ​។​

​ក្នុងជំនួប​មួយ នៅ​ថ្ងៃ​ក្រុង​ពាលី​ថត​រឿង “​កំណប់​បះសក់​” ដែល​នាង​ក៏​មាន​វត្តមាន​សម្តែង​ក្នុង​រឿង​នេះ​ដែរ បានឲ្យ​ដឹង​ជុំវិញ​រឿងរ៉ាវ​ផ្ទាល់​ខ្លួន​ថា សព្វថ្ងៃ បេះដូង​ទំនេរ​ស្អាត​ល្អ​ណាស់ តាំង​ពី​ពេញវ័យ​មក មិន​ដែល​មាន​ជាប់​ពាក់ព័ន្ធ​រឿង​ស្នេហា​ជាមួយ​បុរស​ណា​ម្នាក់​នោះទេ ហើយក៏​មិន​ទាន់​ចង់បាន​ដែរ ព្រោះ​ជាប់រវល់​ការងារ​ច្រើន គឺ​រវល់​សិក្សា​ផង ការងារ​ក្រុមហ៊ុន​ផង និង​ការងារ​សិល្បៈ​ផងដែរ​។​

​ឆ្លើយតប​ជុំវិញ​ការលើកឡើង​ថា នាង​ធ្លាប់​មាន​សង្សារ​នោះ ពិសី បកស្រាយ​ប្រាប់ថា កន្លងមក នាង​ធ្លាប់​ឮ​ព័ត៌មាន​នេះ និង​មាន​អ្នកសារព័ត៌មាន​ទូរស័ព្ទ​មក​សួរ​នាង​ពី​រឿង​នេះ​ដែរ តែ​ដោយសារ​នាង​អង្វរ​មិន​ចង់ឲ្យ​គេ​ចុះ​ផ្សាយ ព្រោះថា ជា​រឿង​មិន​ពិត បើ​ចុះផ្សាយ​ទៅ នាំ​តែ​ធ្វើឲ្យ​ទស្សនិកជន​មាន​ការយល់ច្រឡំ​។​

​គ្រូ​បង្ហាញ​ម៉ូដ​ប្រចាំ​ក្រុម Pop Model រូបនេះ​បាន​ប្រាប់​ឲ្យដឹង​បន្ថែមទៀតថា “​ខ្ញុំ​សុំ​និយាយ​ដោយ​ស្មោះ​អស់ពី​ចិត្ត​ថា ខ្ញុំ​មិន​មាន​ទំនាក់ទំនង​ស្នេហា​ជាមួយ​បុរស​ណា​ម្នាក់​នោះ​ទេ ធាតុពិត ការងា​របស់​ខ្ញុំ​ភាគច្រើន​ត្រូវ​នៅ​ជាមួយ​មនុស្ស​ប្រុស​-​ស្រី​ជា​ច្រើន ពិសេស​មិត្ត​រួម​ក្រុម​ម៉ូ​ដែល​ក៏​មាន​ប្រុស​ច្រើន​ដែរ គឺ​ជាង​២០ នាក់​ឯណោះ ហើយ​ពេល​ចេញ​ទៅ​សម្តែង​ម្តងៗ ពួក​ខ្ញុំ​តែង​ទៅ​ជាមួយគ្នា និង​មាន​ភាពស្និទ្ធស្នាល​ជាមួយគ្នា​ជា​រឿង​ធម្មតា​។ ហើយ​ខ្ញុំ​ក៏​មិន​មាន​ពេលវេលា​ទំនេរ គិត​ពី​រឿង​ស្នេហា​ដែរ​” ។​

​ស្រី​ស្រស់​សម្បូរ​មន្ត​ស្នេហ៍​រូបនេះ បាន​ប្រាប់​ឲ្យដឹង​ទៀត​ថា នាង​សង្ឃឹមថា ក្រោយ​ពី​បកស្រាយ​នៅ​យ៉ាងនេះ​ហើយ អាច​ធ្វើឲ្យ​ទស្សនិកជន​លែង​យល់​ច្រឡំ​ទៀតហើយ នាង​ក៏​មិនទាន់​ចង់​គិត​ពី​រឿង​ស្នេហា​អ្វី​ឡើយ ដោយសារ​តែ​ពេល​នេះ នាង​មាន​ការ​មមាញឹក​ជាមួយ​ការងារ​ច្រើន ទាំង​ការដើរ​ម៉ូដ និង​ការសម្តែង​រឿង​ថ្មី​សម្រាប់​ទូរទស្សន៍​ផងដែរ ៕

 

01(8)

 

Filed in: ព័ត៌មានជាតិ, ព័ត៌មានថ្មី, សិល្បៈ

Recent Posts

Bookmark and Promote!